Bu modulda siz kuchli parol nima ekani, uni qanday yaratish va saqlash kerakligini o‘rganasiz. Oddiy va osongina topiladigan parollar qanday xavf tug‘dirishini bilib olasiz. Modul davomida parol yaratish bo‘yicha eng yaxshi amaliyotlar, parol menejerlari va ikki bosqichli autentifikatsiya (2FA) haqida ham ma’lumotlar beriladi.
Parol — bu sizning akkauntingiz yoki qurilmangizni faqat siz ishlatishingiz uchun qo‘yiladigan maxfiy kalitdir. U sizni begona odamlardan himoya qiladi. Parol raqamlar, harflar va belgilardan iborat bo‘lib, uni faqat siz bilishingiz kerak. Masalan: Salom2025! — bu kuchliroq parol bo‘lishi mumkin. Esda tuting: parolingiz — sizning raqamli kalitingiz!
Kuchli parol — bu boshqalar tomonidan topilishi juda qiyin bo‘lgan murakkab va xavfsiz parol hisoblanadi. U sizning akkauntingizni buzilishdan himoya qiladi
Parolingiz — bu sizning shaxsiy kalitingiz. Uni boshqa odamga berish, eslatma sifatida yozib qoldirish yoki telefon orqali aytish — xavfli va noto‘g‘ri odatdir.